ایودھیا میں مودی کے ہاتھوں رام مندر کا سنگ بنیاد
انڈیا کے وزیراعظم نریندر مودی نے ملک میں اپنے قوم پرستی کے ایجنڈے کو آگے بڑھاتے ہوئے بابری مسجد کی جگہ ایودھیا میں متنازع رام مندر کی تعمیر کا سنگ بنیاد رکھنے کی تقریب میں شرکت کی۔
انڈیا کے وزیراعظم کے ایودھیا جانے اور ان کے رام مندر کے بھومی پوجن میں شرکت کرنے پر رکن پارلیمان اسدالدین اویسی نے اسے وزیراعظم کے عہدے کے حلف اور ملک کے جمہوری اقدار کے منافی قرار دیا۔
وزیراعظم نریندر مودی کے ایودھیا پہنچنے سے قبل وہاں سکیورٹی انتظامات سخت کیے گئے جبکہ کورونا کی وبا کی وجہ سے تقریب میں لوگوں کس شرکت نہیں کرنے دی گئی تاہم میڈیا میں اس تقریب کی خبریں اور مختلف مقامات پر تقریب کی بڑی سکرین پر براہ راست نشریات سے بی نے پی کے حامیوں کی شرکت کو یقینی بنایا گیا۔
مودی نے چاندی کی اینٹ رکھ کر رام مندر کی تعمیر کا باقاعدہ آغاز کیا۔
