شرم دلانے والے سے استعفا لے لیا گیا
پاکستان کے صوبہ سندھ کی اسمبلی میں اپوزیشن لیڈر فردوس شمیم نقوی سے استعفا لے لیا گیا ہے۔ ان کا تعلق وفاق میں برسراقتدار تحریک انصاف سے ہے۔
فردوس نقوی نے گزشتہ دنوں کراچی میں بجلی اور گیس کی لوڈ شیڈنگ کے مسئلے پر وزیراعظم عمران خان کو شرم و حیا کرنے کے لیے کہا تھا۔
میڈیا سے گفتگو کی ویڈیو وائرل ہونے کے بعد فردوس شمیم نقوی نے اپنے بیان کی متعدد بار وضاحت کی اور اعلی قیادت سے زبانی اور تحریری معافی مانگی مگر ان کو استعفا دینے کے احکامات جاری کیے گئے۔
