عدالت نے ڈی ایچ اے کو زمین کے حصول سے روک دیا، نوٹیفیکیشن معطل

Reading Time: < 1 minute

اسلام آباد ہائیکورٹ نے فوج کی (ڈیفنس ہاؤسنگ اتھارٹی) ڈی ایچ اے کو زبردستی زمین حاصل کرنے سے روکتے ہوئے وفاقی دارالحکومت کے علاقہ سہالہ میں زمین ایکوائر کرنے کا نوٹیفکیشن معطل کر دیا ہے۔

جمعرات کو اسلام آباد ہائیکورٹ کے چیف جسٹس اطہر من اللہ نے دو بیواؤں کی طرف سے ڈی ایچ اے کی جانب سے زبردستی زمین لینے کےنوٹیفکیشن کے خلاف درخواست پر سماعت کی۔
عدالت نے پوچھا کہ سی ڈی اے کی منظوری کے بغیر ڈی ایچ اے براہ راست کیسے زمین ایکوائر کرسکتا ہے؟

عدالت نے ڈسٹرکٹ کلیکٹر، ڈی ایچ اے اور سی ڈی اے کو نوٹس جاری کرتے ہوئے ڈی ایچ اے کو زبردستی زمین حاصل کرنے سے روک دیا۔
نوٹیفکیشن معطل کر کے 21 جون تک فریقین سے جواب طلب کرلیا۔
یاد رہے کہ لینڈ ایکوزیشن کلیکٹر نے ڈی ایچ اے کے لیے سہالہ میں 188 کنال زمین ایکوائر کرنے کا نوٹیفکیشن جاری کیا تھا۔