چیف جسٹس کو گالیاں، پیپلز پارٹی کے کارکن کو توہین عدالت کا نوٹس

پاکستان کی سپریم کورٹ نے چیف جسٹس گلزار احمد کو گالیوں کی ویڈیو پر نوٹس لیتے ہوئے مقدمہ سماعت کے لیے مقرر کر دیا ہے۔

پاکستان پیپلز پارٹی کے کارکن مسعود الرحمان عباسی کی ایک ویڈیو وائرل ہوئی تھی جس میں وہ گالیاں بک رہے ہیں۔

سپریم کورٹ نے چیف جسٹس گلزار احمد کے خلاف نازیبا زبان استعمال کرنے پر مسعود الرحمان کے خلاف لیے جانے والے توہین عدالت از خود نوٹس کیس کی سماعت مقرر کی ہے۔

سماعت 22 جون بروز منگل دن 12 بجے کورٹ نمبر پانچ میں جسٹس اعجاز الحسن کی سربراہی میں تین رکنی خصوصی بینچ کرے گا۔