رند خاندان کو کچھ ہوا تو جام ذمہ دار ہوں گے، سردار یار کا استعفیٰ

Reading Time: < 1 minute

بلوچستان اسمبلی میں پاکستان تحریک انصاف کے پارلیمانی لیڈر اور صوبائی وزیر تعلیم سردار یار محمد رند نے اپنی وزارت سے استعفی دینے کا اعلان کرتے ہوئے کہا ہے کہ ان کے خاندان کو کسی قسم کا نقصان پہنچا تو ذمہ دار صوبے کے وزیراعلیٰ جام کمال ہوں گے۔

بدھ کی شام بلوچستان اسمبلی کے بجٹ اجلاس میں خطاب میں ان کا کہنا تھا کہ وہ مزید صوبائی حکومت کا حصہ نہیں رہ سکتے۔

یار محمد رند نے کہا کہ ان کے علاقے میں امن کمیٹیاں بنائی گئی ہیں۔ اگر خاندان کے افراد کو کچھ ہوا تو اس کا ذمہ دار جام کمال کو سمجھا جائے گا۔