پاکستان کے لیے امریکی موڈرنا ویکسین کا عطیہ پہنچ گیا
امریکہ کی جانب سے عطیہ کردہ موڈرنا ویکسین کی 25 لاکھ خوراکوں پر مشتمل کھیپ اسلام آباد انٹرنیشنل ایئرپورٹ پہنچ گئی.
سفارت خانے کے مطابق یہ عطیہ امریکہ کی جانب سے دنیا بھر میں ویکسین کی آٹھ کروڑ خوراکیں تقسیم کرنے کی کوشش کا حصہ ہے، جس کا مقصد کووڈ-۱۹ وباء کے سد باب کے لیے بین الاقوامی سطح پر برابری کی بنیاد پر محفوظ اور موثر ویکسین تک عوامی رسائی کو ممکن بنایا جا سکے.
امریکی سفارتخانہ کی ناظم الامور اینجیلا پی ایگلر نے کہا ہے کہ پاکستان میں متعین امریکی سفارتی مشن کو یہ محفوظ اور موثر ویکسین پاکستان کے شہریوں میں تقسیم کرنے پر خوشی ہے.
خیال رہے کہ پاکستان کو عالمی کوویکس پروگرام کے تحت بھی لاکھوں کی تعداد میں کورونا ویکسین ملی ہے جس میں ایسٹرازینیکا شامل ہے.
1/3 Today, 2.5 million doses of the Moderna COVID-19 vaccine donated by the United States arrived at Islamabad International Airport. The vaccines will be delivered to the Pakistani people in partnership w/ COVAX, @UNICEF & the @GovtofPakistan. https://t.co/7E16mk2gi2 pic.twitter.com/ZScjfzlbPt
— U.S. Embassy Islamabad (@usembislamabad) July 2, 2021
امریکی فائزر اور چین کی دو ویکسینز بھی پاکستان میں لگائی جا رہی ہیں.
