صحافی عامر میر اور ولاگر عمران شفقت کو ایف آئی اے نے اٹھا لیا
Reading Time: < 1 minuteلاہور سےمعروف صحافی عامر میر اور ولاگر اور صحافی عمران شفقت کو ان کے گھر سے نامعلوم افراد زبردستی اپنے ساتھ لے گئے ہیں.
سنیئر صحافی حامد میر نے کہا ہے کہ ان کے بھائی عامر میر کا موبائل فون اور لیپ ٹاپ ایف آئی اہلکاروں نے چھین لیا اور ان کو اپنے ساتھ لے گئے.
حامد میر کے مطابق ان کو بھائی کے بارے میں پانچ گھنٹے بعد اطلاع دی گئی.
FIA Cyber Crimes Wing Lahore kidnapped journalist Amir Mir in Lahore this morning, snatched his phone and laptop. We came to know about his location after 5 hours. FIA also arrested another journalist Syed Shafqat Imran this morning from Lahore. #PressFreedom
— Hamid Mir (@HamidMirPAK) August 7, 2021
حامد میر نے مزید لکھا ہے کہ اس سے قبل ایک اور صحافی عمران شفقت کو بھی ایف آئی اے نے سنیچر کی صبح اٹھایا.
قبل ازیں لاہور سے کالم نگار بلال غوری اور ولاگر رضی دادا اور دیگر صحافیوں نے عمران شفقت کے اغوا کےحوالے سے ٹوئٹر پر اطلاع دی تھی.
سنیچر کی صبح صحافی اور ولاگر امداد علی سومرو نے سب سے پہلے عمران شفقت کے اغوا کی اطلاع ٹوئٹر پر شیئر کی.
انہوں نے لکھا کہ سینئر صحافی وی لاگر سید عمران شفقت کو آج صبح لاہور میں ان کے گھر سے اٹھا لیا گیا ہے.
سوشل میڈیا پر ہزاروں صارفین اور صحافی ان گرفتاریوں کی مذمت کر رہے ہیں.
اینکر پرسن ندیم ملک نے لکھا ہے کہ : صحافت پر کبھی خوف کے ایسے سائے نہ تھے۔ ستم یہ کہ جن منتخب لوگوں کا فرض آزادی اظہار کا تحفظ ہے، وہی جبر، دباؤ کے ہتھیار آزمائیں۔
ندیم ملک کےمطابق پاکستان کا مفاد اس میں نہیں کہ سوال پوچھنے والے کو اٹھا لیا جائے۔ڈرا، دھمکا کر خاموش کر دیا جائے۔عمران شفقت، عامر میر کی گرفتاری قابل مزمت ہے.
