انڈین فضائیہ کا ہیلی کاپٹر گر کر تباہ، آرمی چیف سمیت 11 ہلاک
انڈین فضائیہ کا ہیلی کاپٹر گر کر تباہ ہو گیا جس میں آرمی چیف بھی سوار تھے.
انڈین فضائیہ کے مطابق ایئر فورس کا ایم آئی وی فائیو ہیلی کاپٹر گر کر تباہ ہو ا جس میں انڈیا کے چیف آف ڈیفنس سٹاف جنرل بپن راوت اور ان اہلیہ سمیت دیگر 11 افراد ہلاک ہو گئے ۔
انڈین ایئر فورس نے بدھ کی شام اپنے آفیشل ٹوئٹر اکاؤنٹ سےلکھا کہ ’انتہائی دکھ کے ساتھ، یہ واضح ہو گیا ہے کہ جنرل بپن راوت، (ان کی اہلیہ) مادھولکا راوت اور ہیلی کاپٹر پر موجود 11 افراد حادثے میں ہلاک ہو گئے ہیں۔‘
قبل ازیں بدھ کی دوپہر انڈین فضائیہ نے بتایا تھا کہ انڈیا کے چیف آف ڈیفنس سٹاف جنرل بپن راوت کو لے جانے والا ایک ہیلی کاپٹر بدھ کو جنوبی ریاست تامل ناڈو میں گر کر تباہ ہو گیا ۔
An IAF Mi-17V5 helicopter, with CDS Gen Bipin Rawat on board, met with an accident today near Coonoor, Tamil Nadu.
An Inquiry has been ordered to ascertain the cause of the accident.— Indian Air Force (@IAF_MCC) December 8, 2021
انڈین نیوز ایجنسی اے این آئی کے مطابق بدھ کو گرنے والے اس فوجی ہیلی کاپٹر میں جنرل بپن راوت کے ساتھ ان کا سٹاف اور خاندان کے کچھ افراد موجود تھے۔
انڈین فضائیہ نے اپنے ٹوئٹر اکاونٹ پر لکھا تھا کہ ‘ایئر فورس کا ایک ایم آئی-17 وی فائیو ہیلی کاپٹر جس میں چیف آف ڈیفنس سٹاف جنرل بپن راوت سوار تھے، آج تمل ناڈو کے علاقے کونور کے قریب حادثے کا شکار ہوا ہے۔’
