ترکی نے صحافی خاشقجی کے قتل کا مقدمہ سعودی عرب منتقل کر دیا

Reading Time: < 1 minute

ترکی میں استنبول کی ایک عدالت نے صحافی خاشقجی کے قتل کا مقدمہ سعودی عرب منتقل کرنے کا فیصلہ سنایا ہے۔

جمعرات کو عدالت نے بتایا کہ قتل میں ملوث 26 ملزمان کا غیر حاضری میں ٹرائل جاری تھا جن پر فرد جرم عائد تھی۔ ان افراد کا مقدمہ اب سعودی عرب منتقل کر دیا گیا ہے اور وہاں کی عدالت سنے گی۔

امریکہ میں مقیم سعودی صحافی خاشقجی کو ترکی کے شہر استنبول میں اس وقت قتل کیا گیا جب وہ حکام سے ملاقات کرنے سعودی قونصلیٹ گئے تھے۔