مقدس مقامات پر عبادت کا حق، اسرائیل اور فلسطینیوں سے تشدد روکنے کا مطالبہ

Reading Time: < 1 minute

فلسطینیوں اور اسرائیل کے درمیان تشدد کے تازہ واقعات سے بڑھتی کشیدگی میں کمی کے لیے امریکی وزیر خارجہ انٹونی بلنکن نے دونوں ملکوں کے رہنماؤں سے ٹیلی فون پر گفتگو میں تحمل کا مظاہرہ کرنے پر زور دیا ہے۔

منگل کی رات امریکی وزیر خارجہ نے اسرائیلی اور فلسطینی رہنماؤں پر زور دیا کہ وہ ’تشدد کے سلسلے کا خاتمہ‘ کریں۔

حالیہ دنوں میں فلسطین میں دونوں فریقوں کے درمیان کشیدگی میں تیزی سے اضافے کے بعد منگل کو امریکی وزیر خارجہ نے صدر محمود عباس اور اسرائیلی وزیراعظم یائر لاپڈ سے رابطہ کیا۔

خیال رہے کہ گزشتہ جمعے کو مسجد اقصیٰ میں اسرائیلی پولیس کی کارروائی کے دوران 152 فلسطینی زخمی ہو گئے تھے۔

تشدد کے اس واقع کے بعد غزہ سے اسرائیل پر راکٹ داغا گیا جس کے جواب میں فضائی حملے سے حماس کو نشانہ بنایا گیا۔