مودی کے ناقد انڈیا کے پنجابی گلوکار سدھو موسے والا قاتلانہ حملے میں ہلاک

Reading Time: < 1 minute

انڈیا کے وزیراعظم نریندر مودی کے سخت ناقد پنجابی پاپ گلوکار سدھو موسے والا قاتلانہ حملے میں ہلاک ہو گئے ہیں۔

اتوار کو انڈین ریاست پنجاب کے مانسہ ضلع میں پیش حملہ آوروں کی فائرنگ سے سدھو موسے والا شدید زخمی ہوئے تھے۔ ان کو 30 گولیاں لگیں اور ہسپتال پہنچنے سے قبل ہی دم توڑ گئے۔

فائرنگ کے واقعے میں دو افراد زخمی بھی ہوئے ہیں۔ حملہ آوروں کے حوالے سے ابھی تک کوئی اطلاع نہیں۔ 

این ڈی ٹی وی کے مطابق سدھو موسے والا سے پنجاب حکومت نے ایک دن قبل ہی سکیورٹی واپس لی تھی۔
حکومت نے ریاست میں 424 افراد سے سرکاری سکیورٹی واپس لی تھی جن میں سدھو موسے ولا بھی شامل تھے۔

خیال رہے 2022 کے الیکشن سے قبل سدھو موسے والا نے کانگریس پارٹی میں شمولیت اختیار کی تھی اور مانسہ ضلع سے کانگریس کے ٹکٹ پر ریاستی اسمبلی کا انتخاب لڑا تھا۔

ان کو عام آدمی پارٹی کے ڈاکٹر وجے سنگلا نے شکست دی تھی۔