پاکستان میں حکومت کا حج پر ڈیڑھ لاکھ سبسڈی دینے کا اعلان

پاکستان میں حکومت نے رواں سال حج کرنے والوں کو ڈیڑھ لاکھ روپے کی سبسڈی دینے کا اعلان کیا ہے.

منگل کو اسلام آباد میں نیوز بریفنگ میں وفاقی وزیر برائے مذہبی امورمفتی عبدالشکور نے سبسڈی دینے کا اعلان کرتے ہوئےبتایا کہ ’پاکستان کی وفاقی حکومت ہر حاجی کو ایک لاکھ 50 ہزار روپے سبسڈی دے گی۔‘

وفاقی وزیر مذہبی امور نے کہا کہ کورونا وائرس کے باعث رواں سال محدود حج کے کوٹے کی اجازت دی گئی ہے۔ پاکستان کا کوٹہ 81 ہزار کے قریب ہے۔

ان کا کہنا تھا کہ ’شمالی پاکستان ریجن کے لیے 8 لاکھ 51 ہزار روپے اور جنوبی پاکستان ریجن کے لیے 8 لاکھ 60 ہزار روپے اخراجات آئیں گے۔‘

انہوں نے کہا کہ ’گذشتہ دو برس سے حج اخراجات میں مسلسل اضافہ ہو رہا ہے، اگر سابق حکومت ہوتی تو اس وقت اخراجات 11 لاکھ روپے ہوتے۔‘