عوام کے لئے خوشخبری،بجلی کی قیمت میں سوا چار روپے فی یونٹ کمی

وزیراعظم پاکستان شہباز شریف نے اکتوبر کے بلوں میں عوام کو بڑا ریلیف دیتے ہوئے بجلی کی قیمت میں سوا چار روپے فی یونٹ کی کمی کر دی ہے۔

ہفتے کو وزیر اطلاعات و نشریات مریم اورنگزیب نے بتایا کہ وزیراعظم شہباز شریف نے بجلی کے نرخ میں سوا 4 روپے کی کمی کردی ہے، یہ کمی اکتوبر کے مہینے کے لیے فیول چارجز ایڈجسٹمنٹ کی مد میں کی گئی ہے، ستمبر کے بجلی کے بلوں میں لگنے والی سہ ماہی ایڈجسٹمنٹ ہی جاری رکھنے کا فیصلہ کیا گیا ہے۔

وزیر اطلاعات کے مطابق عوام پر بوجھ کو دیکھتے ہوئے صارفین کے بجلی کے ریٹ نہ بڑھانے کا فیصلہ کیا گیا۔