عمران خان کے بیٹے واپس لندن روانہ، ایئرپورٹ پر شہریوں کے ساتھ سلفیاں

عمران خان کے بیٹے قاسم اور سلیمان لندن واپس روانہ ہوگئے۔

سابق وزیراعظم کے دونوں بیٹوں نے 6 دن والد کے ہمراہ زمان پارک لاہور میں گزارے۔

عمران خان کے بیٹوں قاسم اورسلیمان کی لاہور ائیرپورٹ پر تصاویر بھی سامنے آگئیں۔ قاسم اور سلیمان ائیرپورٹ پر شہریوں سے گھل مل گئے اور تصاویربھی بنوائیں۔ عمران خان کے بیٹوں کی پاکستان آمد کے بعد سامنے آنے والی یہ پہلی تصاویر ہیں۔

عمران خان کے دونوں بیٹے چند روز قبل اپنے والد سے ملنے پاکستان آئے تھے۔ عمران خان پر حملے کے بعد قاسم اور سلیمان کی اپنے والد سے یہ پہلی ملاقات تھی۔