برفانی طوفان کے باعث امریکہ میں نظام زندگی منجمد، 31 ہلاک

برفانی طوفان کے باعث شدید سرد موسم نے متعدد امریکی ریاستوں کو لپیٹ میں لے رکھا ہے اور اب تک کم از کم 31 افراد جان سے ہاتھ دھو بیٹھے ہیں۔

خبر رساں ایجنسی اے ایف پی کے مطابق شدید برفباری اور سخت سردی کی وجہ سے کرسمس کا دن لاکھوں امریکیوں کے لیے پریشان کُن رہا۔

نیویارک کا دوسرا بڑا شہر بفیلو اس وقت ایک بحرانی صورتحال سے دوچار ہے جہاں برفانی طوفان نے شہر کو اپنی لپیٹ میں لے رکھا ہے۔

بفیلو میں آٹھ فٹ (2.4 میٹر) برف پڑ رہی ہے اور بجلی کی بندش ہے۔ ان حالات میں ریسکیو کا عملہ زیادہ متاثرہ علاقوں تک پہنچنے سے قاصر ہے۔

بفیلو کے رہائشی نیویارک کے گورنر کیتھی ہوچول کا کہنا ہے کہ ’یہ ایسا ہے کہ جیسے کسی جنگی علاقے میں جانا۔

انہوں نے اتوار کی شام صحافیوں کو بتایا کہ رہائشی اب بھی ’انتہائی خطرناک جان لیوا صورتحال‘ سے دوچار ہیں۔ انہوں نے لوگوں کو گھروں کے اندر رہنے کی تنبیہہ کی۔

کئی مشرقی ریاستوں میں دو لاکھ سے زائد افراد نے کرسمس بجلی کے بغیر منائی اور بہت سے لوگوں کے چھٹی والے دن سفر کے منصوبوں پر بھی پانی پھِر گیا۔