شہباز شریف کی عمران خان کے خلاف سپریم کورٹ میں جیت
سپریم کورٹ نے ہتک عزت کے مقدمے میں عمران خان کا دفاع کا حق ختم کرنے کا ماتحت عدلیہ کا فیصلہ درست قرار دیا ہے۔
جمعرات کو عدالت عظمیٰ نے عمران خان کے خلاف ہتک عزت کے دعوی میں اُن کا دفاع کا حق ختم کرنے کے فیصلے پر اپیل خارج کر دی۔
تین رکنی بینچ میں شامل دو ججوں نے عمران خان کی اپیل خارج کرتے ہوئے ٹرائل کورٹ کا فیصلہ درست قرار دیا ہے۔
شہباز شریف نے عمران خان کے خلاف 10 ارب ہرجانے کا دعوی دائر کر رکھا ہے جس پر عمران خان کو متعدد نوٹس ہونے کے باوجود اُنہوں نے عدالت میں جواب نہ دیا۔
عمران خان نے شہباز شریف پر پانامہ کے معاملے پر رشوت دینے کی افر کا الزام لگایا تھا۔
یہ مقدمہ برسوں سے ٹرائل کورٹ میں زیر التوا ہے اور عمران خان کے وکیل عدالت میں پیش نہیں ہوتے۔
