قرض سے غربت بڑھے گی، آئی ایم ایف کو خط لکھ دیا: عمران خان

Reading Time: 2 minutes

تحریک انصاف کے بانی چیئرمین عمران خان نے کہا ہے کہ انہوں عالمی مالیاتی فنڈ (آئی ایم ایف) کو خط لکھ دیا ہے۔

جمعے کو اڈیالہ جیل میں قائم عدالت میں عمران خان نے میڈیا کے نمائندوں سے غیر رسمی گفتگو میں کہا کہ آئی ایم ایف کو خط لکھ دیا ہے، آج خط چلا گیا ہوگا، اس لیے لکھا ہے کہ اگر ایسے حالات میں ملک کو قرضہ ملا تو واپس کون کرے گا۔

عمران خان نے کہا کہ اس قرض سے غربت بڑھے گی، جب تک سرمایہ کاری نہ آئی قرض بڑھتا جائے گا، سب سے پہلے ملک میں سیاسی استحکام لایا جائے۔

پی ٹی آئی کے بانی نے کہا کہ پہلے نواز شریف کی سلیکشن کے لیے اداروں کو تباہ کیا گیا۔ عدالتیں، نیب سب کچھ تباہ کیا تاکہ نواز شریف کو سلیکٹ کر سکیں۔ نواز شریف کے لیے مجھے زیرو کیا گیا، پھر انتخابات میں دھاندلی کرائی گئی۔

ان کا کہنا تھا کہ اب کمشنر راولپنڈی کے انکشافات سامنے آئے۔ کمشنر کو اٹھا کر تشدد کیا گیا، ویگو ڈالا اٹھا کر لے گیا، اب سافٹ ویئر اپڈیٹ کر دیا ہے۔

ادھر بیرسٹر گوہر علی خان نے اڈیالہ جیل کے باہر میڈیا سے گفتگو میں کہا کہ عدالت کو اوپن ٹرائل کی حقیقت کا بتایا ہے
آج عدالت کے سامنے اس بات کا بھی بتایا گیا کہ میڈیا کو بھی آنے نہیں دیا گیا

نگران حکومت صاف شفاف انتخابات کروانے میں ناکام رہی
الیکشن کمیشن فارم 47 کے تحت نتائج جاری کرنے میں ناکام رہا
ہم نے مطالبہ کیا تھا کہ سابق کمشنر راولپنڈی لیاقت علی چھٹہ اور ان کی فیملی کو تحفظ فراہم کیا جائے
کل سابق کمشنر کا جو بیان جاری ہوا اب حقیقت عوام جان چکی ہے
جو فارم 47 جاری ہوئے وہ جعلی ہے، ہم پارلیمان کا حصہ بنے گے
ہم میدان چھوڑ کر نہیں جائیں گے، ہم آج آئی ایم ایف کو خط لکھیں گے
ہم ہر حال میں پاکستان میں قانون کی بالادستی اور رول آف لاء چاہتے ہیں
جو خط ہم آئی ایم ایف کو جو خط لکھیں گے وہ ملکی مفاد میں ہو گا
ملک کے خلاف ہم کچھ بھی نہیں کرے گے، ریاست، جمہوریت اور قانون کو کوئی نقصان نہیں پہنچے گا
پی ٹی آئی ایسا کوئی کام نہیں کرے گی جس سے ریاست کو نقصان پہنچے گا
پی ٹی آئی نے ہی پناہ گاہیں بنائی، صحت کارڈ بنائے اور انوسٹمنٹ لے کر آئی

پاکستان تحریک انصاف کا کوئی بھی قدم نہ پاکستان کے خلاف اور نہ عوام کے خلاف ہو گا. ہم جمہوریت کی جنگ لڑ رہے ہیں، اسی آزادی کے لیے بانی پی ٹی آئی جیل میں ہیں۔