جرمنی میں ہجوم پر کار چڑھانے کا ایک اور واقعہ، ہلاکتیں و متعدد زخمی

جرمنی میں پولیس نے بتایا ہے کہ پیر کے روز جنوب مغربی علاقے کے شہر مانہیم میں ایک ڈرائیور نے کار ہجوم پر چڑھا دی، جس سے ایک شخص ہلاک اور متعدد زخمی ہو گئے۔

پولیس نے بعد ازاں کہا کہ ایک مشتبہ شخص زیر حراست ہے اور ’تفتیش کے اس مرحلے پر کسی دوسرے ملزم کے موجود ہونے کی تصدیق نہیں ہو سکتی۔‘
ان کا کہنا تھا کہ عوام کو مزید کوئی خطرہ نہیں ہے۔

پولیس فوری طور پر واقعے کو حملہ قرار نہیں دے رہی۔ جرمنی میں حالیہ مہینوں میں تشدد کی متعدد کارروائیوں میں کاروں کو مہلک ہتھیار کے طور پر استعمال کیا گیا ہے۔

پولیس کے ترجمان سٹیفن ولہیم نے بتایا کہ دوپہر کے قریب جب کارکن لنچ بریک کے لیے آئے تو ایک ڈرائیور نے پیریڈپلاٹز، جو کہ پیدل چلنے والی سڑک کے مرکز میں واقع ہے، لوگوں پر گاڑی چڑھادی۔

مقامی میڈیا نے اطلاع دی کہ ایک کارنیوال مارکیٹ ہو رہی ہے، یعنی مانہیم میں معمول سے زیادہ لوگ موجود تھے، شہر کی آبادی تین لاکھ 26 ہزار ہے۔

جرمن خبر رساں ادارے ڈی پی اے نے رپورٹ کیا کہ مانہیم یونیورسٹی ہسپتال نے کہا کہ حادثے میں زخمی ہونے والے تین افراد کا علاج کر رہے ہیں، جن میں دو بالغ اور ایک بچہ ہے۔ یہ فوری طور پر واضح نہیں ہو سکا کہ آیا دوسرے ہسپتالوں میں مریض آتے ہیں۔

جائے وقوعہ سے ملنے والی تصاویر میں دکھایا گیا ہے کہ شہر کے مرکز کے کچھ حصوں کو پولیس کی بھاری موجودگی کے ساتھ گھیرے میں لے لیا گیا ہے۔

پولیس نے ایک بری طرح سے تباہ شدہ سیاہ کار کو گھیرے میں لے رکھا ہے۔