سُپریم جوڈیشل کونسل، ججوں کے خلاف 24 شکایات پر فیصلہ

اعلٰی عدلیہ کے ججوں کا احتساب کرنے والی سپریم جوڈیشل کونسل کا اجلاس سنیچر کی صبح سپریم کورٹ اسلام آباد میں چیف جسٹس یحییٰ آفریدی کی صدارت میں منعقد ہوا۔

اجلاس میں جسٹس سید منصور علی شاہ (ویڈیو لنک کے ذریعے موجود) تھے جبکہ دیگر ارکان جسٹس منیب اختر، جسٹس عالیہ نیلم، چیف جسٹس لاہور ہائی کورٹ اور جسٹس محمد جنید غفار، چیف جسٹس سندھ ہائی کورٹ نے شرکت کی۔

کونسل نے ایجنڈے کے تمام آئٹمز پر ایک ایک کر کے بحث کی۔
کونسل نے سپریم جوڈیشل کونسل سیکرٹریٹ سروس رولز 2025 کے مجوزہ مسودے کی منظوری دے دی، جب کہ یہ فیصلہ کیا گیا کہ انکوائری کے طریقہ کار اور ضابطہ اخلاق میں ترامیم کو قانونی اور مسودے کے نقطہ نظر سے جانچنے کی ضرورت ہے اس لیے ان پر مزید غور و خوض کی ضرورت ہے۔

کونسل نے مختلف افراد کی طرف سے دائر آئین کے آرٹیکل 209 کے تحت 24 شکایات کا بھی جائزہ لیا۔ 19 شکایات پر متفقہ فیصلہ کرتے ہوئے نمٹا دیا گیا جبکہ 5 دیگر کو فی الحال موخر کر دیا گیا۔