دنیا کی تاریخ میں غیرمعمولی رقم خرچ کر کے بنائی جانے والی بعض چیزیں
دنیا کی تاریخ پر نظر دوڑائی جائے تو ہر دور میں انسان نے بعض ایسی چیزیں بنائیں جن پر غیرمعمولی رقم خرچ کی-
انسانی تاریخ کے دوران لوگوں کو حیرت میں ڈالنے والی ان چیزوں کو بنانے کے پیچھے یہ سوچ رہتی ہے کہ ہماری گہری خواہشات اور کامیابیوں کو ظاہر کر سکیں۔ تاج محل جیسی شاہانہ حویلیوں سے لے کر آج کے دور کے انجینئرنگ اور سائنس کے کارناموں تک، انسانیت کی بعض تخلیقات نے یقینی طور پر ریکارڈ توڑے ہیں، اور ساتھ ہی بینکوں یا خزنوں کو بھی خالی کیا ہے۔
یہ بات قابل ذکر ہے کہ کچھ چیزیں ایسی ہیں جو تعمیر کی گئی ہیں، جیسے ہندوستان کا تاج محل یا مصر کے عظیم احرام، جن کی تعمیر کے وقت کی قیمت آج کی دنیا بتانے یا اس کا تخمینہ لگانے کے قابل نہیں، حالانکہ ان پر بہت زیادہ لاگت آئی تھی۔ پھر بھی، یہاں ہم نے ایک فہرست تیار کی ہے جس میں وہ چیزیں شامل ہیں جن کی قیمت معلوم ہے۔
فروری 2020 میں، جیف بیزوس (ایمیزون کے سی ای او اور دنیا کے سب سے زیادہ امیر لوگوں میں سے ایک) نے بیورلی ہلز میں اپنا وسیع 9.4 ایکڑ (3.8 ہیکٹر) رقبے والا اسٹیٹ خرید لیا، جو پہلے میڈیا کے ٹائیکون ڈیوڈ جیفن کی ملکیت تھا۔
۱۶۵ ملین ڈالر کی قیمت والی اس جائیداد کی اصل اہمیت اس کی اعلیٰ لاس اینجلس لوکیشن، وسیع باغات، مہمان خانہ، ٹینس کورٹ اور اس خاص جائیداد کے مالک ہونے سے ملنے والا وقار ہے۔
فرانسیسی ریویرا پر واقع، ولا لا لیوپولڈا 18 ایکڑ (7.3 ہیکٹر) پر محیط عالیشان اسٹیٹ یا رقبہ ہے جس میں باغات، وسیع سمندر کے مناظر، اور شاندار تعمیرات ہیں۔ یہ اصل میں بیلجیئم کے بادشاہ لیوپولڈ دوم کی داشتہ کے لیے بنایا گیا تھا۔
اس کی مالیت کے حوالے سے تقریباً 750 ملین ڈالر کا اندازہ لگایا گیا ہے، یہ جائیداد اپنی لاجواب تاریخی اہمیت، شاندار ڈیزائن، ویل فرانچ-سر-میر میں اپنی غیر معمولی جگہ، اور دنیا کی سب سے دلکش رہائشوں میں سے ایک کی حیثیت کے لیے معروف ہے۔
انٹیلیا ممبئی میں ایک 27 منزلہ سکائی سکریپر ہے، جو ارب پتی کاروباری شخصیت مکیش امبانی کی ملکیت ہے۔ اس عمارت میں تین ہیلی پیڈ، ایک پرائیویٹ تھیٹر، متعدد سوئمنگ پولز، اور دنیا کے امیر ترین خاندانوں میں سے ایک کے لیے لگژری رہائشی سہولیات شامل ہیں۔
انٹیلیا کی تعمیر چار برسوں میں تقریباً 2 ارب ڈالر کی لاگت سے ہوئی۔ یہ عمارت 8 درجے کے زلزلے کو برداشت کرنے کے لیے ڈیزائن کی گئی ہے، اور اس میں 9 ہائی سپیڈ لفٹس بھی ہیں۔
ایئر فورس ون جہازوں کے اس جوڑے کو کہتے ہیں جو انتہائی حسب ضرورت بوئنگ 747 جیٹ طیارے ہیں اور جو امریکہ کے صدر کے لیے ہوا میں کمانڈ سینٹر کا کام کرتے ہیں، جن میں جدید کمیونیکیشن سسٹمز، سیکیورٹی اقدامات، اور فلائٹ کے دوران آفیسز موجود ہیں۔
دو جیٹ طیارے بنانے، انہیں تیار کرنے اور ٹیسٹ کرنے میں 5.3 بلین ڈالر لاگت آئی۔ زیادہ تر خرچ جدید دفاعی صلاحیتوں، اینٹی میزائل سسٹمز اور ملکی اور بین الاقوامی آپریشنز میں سفر کے لیے مکمل اعتماد کرنے کے قابل بنانے کی ضرورت سے آتا ہے۔
