لیگی قائد کو جیل میں ڈالنے کی تیاریاں

Reading Time: < 1 minute

وفاقی وزیر ریلوے سعد رفیق نے لاہور میں تقریب سے خطاب کرتے ہوئے کہا کہ نوازشریف کو سیاست سے اس لیے نکالا گیا کیونکہ وہ کسی کے اشارے پر نہیں چلتے اب انہیں جیل میں ڈالنے کی تیاریاں کی جارہی ہیں سعد رفیق کا کہنا تھا کہ نوازشریف پر مقدمات بناکر عوام کے دلوں سے ان کی محبت نہیں نکالی جاسکتی، عوام  فیصلے کے ذریعے نہیں ووٹ کے ذریعے تبدیلی چاہتے ہیں،وفاقی وزیر کا کہنا تھا کہ  سابق وزیراعظم جب بھی اقتدار میں آئے تعمیر و ترقی کا طوفان آتا ہے، وہ پاکستان میں موٹرویز، موبائل فون اور ترقی لے کرآئے، میٹرو لاہور میں ہی نہیں اب راولپنڈی، اسلام آباد، ملتان اور فیصل آباد میں بھی بن رہی ہے، تعمیر و ترقی میں پنجاب سب سے آگے ہے۔ ان کا کہنا تھا کہ ہمیں کام نہیں کرنے دیا گیا کبھی عمران خان، اور کبھی ریاستی اداروں میں موجود منفی لوگوں نے رخنہ ڈالا، جو بیورو کریٹ محنت سے کام کرے اسے جیل میں ڈال دیا جاتا ہے، اور ایٹمی دھماکا کرنے والے وزیراعظم کو بھی جیل میں ڈالنے کی تیاریاں کی جارہی ہیں،  آج پاکستان کا نام گرے لسٹ میں ڈال دیا گیا اور دنیا پاکستان کو شک کی نگاہ سے دیکھ رہی ہے۔