گیس بل غلط تھے مگر

پاکستان تحریک انصاف کی حکومت نے تسلیم کیا ہے کہ گذشتہ دو ماہ کے دوران صارفین کو بھیجے گئے گیس بل درست نہیں تھے تاہم وصول کی گئی زائد رقم کے بارے میں خاموشی اختیار کر لی ہے ۔

حکومت کی ہدایت پر آڈٹ فرم فرگوسن اور گیس کمپنی نے انکوائری رپورٹ جمع کرا دی ہے ۔

رپورٹ کے مطابق سوئی ناردرن گیس کمپنی کے ۹۳ فیصد صارفین کو زائد بل بھیجے گئے اور اس کی وجہ گیس پریشر فیکٹر تھا ۔

رپورٹ میں تسلیم کیا گیا ہے کہ اس سے کمپنی کے ۳۲ لاکھ صارفین متاثر ہوئے تاہم یہ تجویز نہیں کیا گیا کہ صارفین سے لی گئی زائد رقم کیسے واپس کی جائے ۔