زرداری ایک اور مقدمے میں طلب
Reading Time: < 1 minuteپاکستان میں احتساب کے قومی ادارے نیب نے سابق صدر آصف زرداری کو ایک بار پھر تفتیش کے لیے طلب کیا ہے۔
نیب راولپنڈی نے سابق صدر آصف زرداری کو 29 مئی کو دبارہ طلب کیا ہے۔
نیب کے نوٹس کے مطابق آصف زرداری کا پاور پروجیکٹ اور غیرقانونی ٹھیکوں کے کیس میں دوبارہ بیان ریکارڈ کیا جائے گا۔
خیال رہے کہ نیب نے پیپلز پارٹی کے چیئرمین بلاول بھٹو کو بھی جے وی اوپل کیس میں 29 مئی کو طلب کر رکھا ہے۔
سابق صدر زرداری اور ان کی بہن فریال تالپور دیگر ملزمان کے ساتھ پہلے ہی اسلام آباد کی احتساب عدالت میں جعلی اکاؤنٹس ریفرنس کا سامنا کر رہے ہیں۔
Array