وکیل کو مارنے والے جج کا تبادلہ

راولپنڈی کی ضلع کچہری میں وکیل کو زخمی کرنے والے جج کا تبادلہ کر دیا گیا ہے۔

خیال رہے کہ راولپنڈی ضلع کہچری میں واقع عدالت کے سول جج شوکت حیات نے بدتمیزی کرنے پر ایک وکیل کو پیپر ویٹ دے مارا تھا جس پر وکیلوں نے احتجاج اور ہڑتال شروع کر دی تھی۔

چیف جسٹس لاہور ہائی کورٹ لاہور نے واقعہ کا نوٹس لے کر سول جج شوکت حیات کو او ایس ڈی بناتے ہوئے لاہور تبدیل کر دیا۔

سول جج شوکت حیات کی جانب سے ارسلان قریشی ایڈوکیٹ کو دوران بحث پیپر ویٹ مارنے کا واقعہ پیر کو پیش آیا تھا۔