فوجی ترجمان کا حاصل بزنجو کو جواب

پاکستان کی فوج کے ترجمان میجر جنرل آصف غفور نے نیشنل پارٹی کے سربراہ حاصل بزنجو کے آئی ایس آئی کے سربراہ جنرل فیض کے بارے میں بیان پر ردعمل ظاہر کیا ہے۔

فوجی ترجمان کے مطابق ”نیشنل پریمیئر انسٹی ٹیوشن“ کے سربراہ کے بارے میں میر حاصل بزنجو کے ریمارکس بے بنیاد ہیں۔ ”معمولی سیاسی فائدے کے لیے پورے جمہوری عمل کو بدنام کرنے کے رجحان سے جمہوریت کو فائدہ نہیں ہوگا۔“

Remarks by Senator Mir Hasil Bizenjo implicating head of national premier institution are unfounded. The tendency to bring entire democratic process into disrepute for petty political gains doesn’t serve democracy.

— DG ISPR (@OfficialDGISPR) August 1, 2019

خیال رہے کہ پاکستان میں پارلیمان کے ایوان بالا سینیٹ کے چیئرمین شپ کے لیے اپوزیشن اتحاد کے امیدوار حاصل بزنجو نے کہا تھا کہ اپوزیشن کے جن 14 سینیٹرز نے صادق سنجرانی کو ووٹ دیا ہے وہ ملک کی خفیہ ایجنسی آئی ایس آئی کے سربراہ جنرل فیض کے لوگ ہیں۔