ڈیل کی خبر پر پانچ اینکروں کو توہین عدالت کے نوٹس

اسلام آباد ہائیکورٹ نے سابق وزیراعظم نواز شریف کی طبی بنیادوں پر ضمانت کے مقدمے میں دو ٹی وی چینلز اور پانچ اینکرز کو توہین عدالت کے نوٹس جاری کیے ہیں۔

عدالتی حکم کے مطابق رجسٹرار آفس نے بتایا کہ ٹی وی چینلز پر ڈیل سے متعلق خبریں نشر کی گئی۔

متعلقہ چینل اور اینکرز کو توہین عدالت کے نوٹس جاری کیے گئے ہیں۔

چیئرمین پیمرا، دو ٹی وی پروگرامز بریکنگ نیوز ود مالک اور سمیع ابراہیم کو نوٹس جاری کیے جبکہ پروگرام میں شرکت کرنے والے عامر متین، کاشف عباسی اور حامد میر کو بھی نوٹس جاری کرتے ہوئے شام چار بجے پیش ہونے کا حکم دیا گیا ہے۔