مبشر لقمان کا فواد چودھری پر مقدمہ

پاکستان میں نجی ٹی وی اینکر مبشر لقمان نے جھگڑے کے بعد وفاقی وزیر فواد چودھری کے خلاف مقدمہ درج کرایا ہے۔

لاہور کے تھانہ ماڈل ٹاؤن کو دی گئی درخواست کے مطابق مبشر لقمان نے کہا ہے کہ اتوار کو صوبائی وزیر محسن رانجھا کے بیٹے کی دعوت ولیمہ میں وفاقی وزیر فواد چودھری نے اپنے دس ساتھیوں کے ہمراہ ان پر تشدد کیا۔

مبشر لقمان کے مطابق فواد چودھری ان کو فون پر قتل کرانے کی دھمکیاں بھی دے چکے ہیں۔ انہوں نے مقدمے کے اندراج کی درخواست میں لکھا ہے کہ وہ شریف شہری ہیں جبکہ ان کو پرائڈ آف پرفارمنس کا ایوارڈ بھی مل چکا ہے۔