امریکہ نے اٹلی کو پیچھے چھوڑ دیا، وینٹی لیٹرز کم پڑ گئے

Reading Time: < 1 minute

کورونا وائرس نے دنیا کے 196 ملکوں میں پانچ لاکھ 32 ہزار لوگ متاثر جبکہ 24 ہزار 89 افراد ہلاک ہو چکے ہیں۔

امریکہ اب 85 ہزار سے زائد کورونا کے مریضوں کے ساتھ سب سے زیادہ متاثرہ ملک ہے جہاں 13 سو شہری اموات ہو چکی ہیں۔

امریکی ریاستوں میں طبی ایمرجنسی نافذ ہے اور کورونا سے صحت یاب ہونے والوں کی شرح انتہائی کم ہے جبکہ کئی ریاستوں نے وینٹی لیٹرز کے کم ہونے کی شکایت کی ہے۔

امریکی ذرائع ابلاغ کے مطابق ملک میں متاثرہ افراد کی تعداد اٹلی میں سامنے آنے والے کورونا کیسز سے بھی بڑھ گئی ہے۔

بین الاقوامی ذرائع ابلاغ کے اعدادوشمار کے مطابق چین میں 81 ہزار اور اٹلی میں 80 ہزار سے زیادہ کیسز رپورٹ ہوئے ہیں۔