وائرس سے ریٹائرڈ میجر کی موت
پاکستان کے شہر ایبٹ آباد میں کورونا وائرس کے مریض ریٹائرڈ میجر کی موت واقع ہو گئی ہے۔ مرحوم تبلیغی جماعت سے منسلک تھے۔
خیبر پختونخوا اسمبلی کے سپیکر مشتاق غنی نے لنک روڈ کیہال ایبٹ آباد میں کرونا وائرس سے مرنے والے ریٹائرڈ میجر الیاس کی وفات پر گہرے رنج و غم کا اظہار کیا ہے۔
انہوں نے بیان میں کہا ہے کہ اللہ مرحوم کی روح کو اپنی جوار رحمت میں جگہ دے اور لواحقین کو صبر جمیل دے اور اس وبا سے حفظ و امان میں رکھے۔
سپیکر مشتاق غنی نے کہا کہ عوام سے درخواست ہے کہ اپنی ضلعی انتظامیہ کے احکامات پر سختی سے عمل کریں۔
”حکومت عوام کو اس وبا سے بچانے میں پوری مشینری کے ساتھ لگی ہوئی ہے. عوام گھروں تک محدود رہیں اور ہجوم سے پرہیز کریں۔“
