تحریک انصاف کے حامی انصاف لائرز فورم کے ایک عہدیدار کی درخواست پر دینہ پولیس نے درج کیا ہے، جس میں الزام لگایا گیا ہے کہ ’سابق چیئرمین ابصار عالم نے ٹوئٹر اور دیگر سوشل میڈیا پر افواج پاکستان اور وزیر اعظم پاکستان کے خلاف انہتائی گھٹیا زبان استعمال کی ہے‘۔

ابصار عالم نے اس مقدمے پر تبصرہ کرتے ہوئے ٹویٹ کیا ہے کہ ‘ایسے غداری کے مُقدمے تو اعزاز ہیں ایک فسطائی نظام کے خلاف جدوجہد کرتے ہوئے۔ ہمیں تو مُشرف نہ دبا سکا تو میری جان، جنرل باجوہ، کس گُمان میں ہے۔’

سوشل میڈیا پر سینیئر صحافیوں نے ابصار عالم کے حق میں ٹویٹس کی ہیں۔ صحافی شکور رحیم نے لکھا ہے کہ ‘برسوں کی جاسوسی اور ہر طرح سے چھان پھٹک کرنے کے باوجود جب ابصار عالم کے خلاف کہیں سے کچھ بھی نہ مل سکا تو پھر وہی روایتی کام “انوں اندر کر دو” کی پالیسی اپنائی گئی۔’

شکور رحیم کے مطابق ‘ابصار صاحب کی شخصیت بے داغ رہی ہے اور اب بھی اس آزمائش میں سرخرو ہوں گے۔’

صحافی و تجزیہ کار مرتضیٰ سولنگی نے لکھا کہ ‘اگر ابصار عالم غدار ہے، تو ہم سب غدار ہیں۔ ہم خاموش نہیں ہوں گے۔’