اے این پی نے وزیر داخلہ کو معاف کر دیا

عوامی نیشنل پارٹی نے وفاقی وزیر داخلہ بریگیڈیئر ریٹائرڈ اعجاز شاہ کو ان کے بیان پر معاف کر دیا ہے۔

وزیر داخلہ نے کہا ہے کہ پی ڈی ایم کے جلسوں پر کوئی پابندی نہیں لگائی ہے۔

پیر کی شام حکومتی جرگہ وفاقی وزیردفاع پرویز خٹک کی سربراہی میں باچا خان مرکز پشاور پہنچا۔ جرگے میں وزیر داخلہ اعجاز شاہ بھی موجود تھے۔

انہوں نے اپنے متنازع بیان کے معاملے پر معذرت کے لیے حکومتی جرگے نے عوامی نیشنل پارٹی کی قیادت سے ملاقات کی ہے۔

باچا خان مرکز سے جاری بیان کے مطابق اے این پی نے بیان پر معذرت اور وضاحت کے بعد جرگہ قبول کر لیا ہے۔