شام پر اسرائیلی فضائی حملے میں متعدد ہلاک

اسرائیل کی فضائیہ نے شام کے سرحدی علاقوں پر بمباری کی ہے۔

اسرائیلی حکام نے کہا ہے کہ بمباری شام کی فوج اور ایرانی ملیشیا کے ٹھکانوں پر اس وقت کی گئی جب اسرائیل کی سرحد کے اندر دھماکہ خیز مواد ملا جو شام سے پھینکا گیا تھا۔

شام میں اسرائیلی حملوں سے تین فوجیوں کی ہلاکت کی تصدیق ہوئی ہے۔

خیال رہے کہ شام پر اسرائیلی فضائی حملے پہلے بھی ہوتے رہے ہیں جہاں صدر بشار الاسد کی ڈکٹیٹرشپ کو ایرانی حکومت کی حمایت حاصل ہے جبکہ ترکی، سعودی عرب اور دیگر کئی ممالک بشار مخالف قوتوں کو سپورٹ کرتے ہیں۔