کورونا پھوٹنے کے بعد پہلی بار 3568 پاکستانی وینٹیلیٹرز پر
پاکستان میں کورونا کی وبا آنے کے بعد پہلی بار مریضوں کی ریکارڈ تعداد ایک وقت میں وینٹیلیٹرز پر ہے۔
وفاقی وزیر منصوبہ بندی اور کورونا کو کنٹرول کرنے کے نگران سینٹر کے سربراہ اسد عمر کے مطابق گزشتہ روز ساڑھے تین ہزار سے زائد مریض انتہائی نگہداشت کے شعبے میں زیر علاج تھے۔
اتوار کی صبح ایک ٹویٹ میں اسد عمر نے بتایا کہ کورونا کے ایس او پیز یا ضابطہ احتیاط پر سختی سے عمل کرانے کی ضرورت ہے۔
Yesterday there were 3468 covid patients on critical care in Pakistan yesterday. This is the highest number since covid started. The need for strong enforcement of sop's is vital. Please take precautions and cooperate with administration in their enforcement efforts
— Asad Umar (@Asad_Umar) April 4, 2021
انہوں نے شہریوں سے بھی درخواست کی کہ احتیاط کیجیے اور انتظامیہ کے ساتھ ضابطہ احتیاط کو نافذ کرنے میں تعاون کیا جائے۔
پاکستان میں گزشتہ روز کورونا سے اموات کی تعداد 81 رہی۔
ملک میں کورونا کے ایکٹیو کیسز کی تعداد 60 ہزار سے بڑھ گئی ہے۔ گزشتہ روز 55 ہزار 605 ٹیسٹ کیے گئے جن میں سے پانچ ہزار بیس افراد میں کورونا مثبت آیا۔
این سی او سی کے مطابق ملتان میں 70 فیصد وینٹیلیٹرز مریضوں کے استعمال میں ہیں۔ لاہور میں یہ تعداد 65 فیصد اور گوجرانوالہ میں 60 فیصد ہے۔
اسلام آباد کے ہسپتالوں کے 54 فیصد وینٹیلیٹرز مریضوں کے زیر استعمال ہیں۔
