پاکستان میں عید کا چاند کیسے نظر آیا، کمیٹی کی ویڈیو وائرل
پاکستان میں عید الفطر کے اعلان پر نیا تنازع پیدا ہو گیا ہے اور سوشل میڈیا پر سرکاری رویت ہلال کمیٹی کی ویڈیو وائرل ہے جس میں ایک رکن چاند نظر آنے کی شہادتوں کو مشکوک قرار دے رہے ہیں۔
بدھ کی رات سوا گیارہ بجے چاند نظر آنے اور جمعرات کو عید الفطر منانے کے سرکاری اعلان پر لاکھوں شہریوں نے سوشل میڈیا پر حیرت کا اظہار کیا۔
متعدد افراد نے اس کو حکومتی دباؤ کا نتیجہ قرار دیا جبکہ بعض نے کہا کہ یہ سعودی عرب کے دورے کا نتیجہ ہے۔
کئی سوشل میڈیا صارفین نے وفاقی وزیر فواد چوہدری کے قمری کیلنڈر کا بھی حوالہ دیا جو انہوں نے وزارت سائنس و ٹیکنالوجی کے ذریعے مرتب کیا ہے اور جس کے تحت شوال کا چاند جمعرات کی شام نظر آنا تھا۔
سینیئر صحافیوں، اینکرز اور سماجی شخصیات کی جانب سے شیئر کی گئی ویڈیو میں رویت ہلال کمیٹی کے ایک رکن کہہ رہے ہیں کہ حکومت اُمّہ کے اتحاد و یکجہتی کا پیغام دینے کے لیے سعودی عرب کے ساتھ عید منانا چاہتی ہے۔
After decades and decades PM imran Khan preserved the unity of the nation with one united Eid … (kindly ignore the video attached that allegedly shows how even the moon sighting of a prestigious occasion was full of lies and deceit— ) pic.twitter.com/umIQiXsxB2
— Kamran Shahid (@FrontlineKamran) May 13, 2021
ویڈیو میں رویت کمیٹی کے رکن فون پر بات کر رہے ہیں اور ان کی آواز سامنے پڑے ٹی وی چینلز کے مائیک کے ذریعے ریکارڈ کی گئی ہے۔
