سری لنکن صدر گھر چھوڑ گئے، وزیراعظم مستعفی ہونے کے لیے تیار

Reading Time: < 1 minute

سری لنکا کے دارالحکومت کولمبو میں ہزاروں شہریوں کی جانب سے پولیس کی رکاوٹیں ہٹا کر صدارتی محل تک پہنچنے کے بعد سکیورٹی فورسز نے صدر گوتابایا راجاپاکسے کو محفوظ مقام پر منتقل کر دیا ہے۔

دوسری جانب وزیراعظم نے بدترین معاشی بحران کے شکار ملک میں متفقہ حکومت کے قیام کی صورت میں مستعفی ہونے کی پیشکش کی ہے۔

سری لنکا میں گزشتہ روز غیر معینہ مدت کے لیے کرفیو نافذ کیا گیا تھا اور صدر گوتابایا راجا پکسے کی برطرفی کا مطالبہ کرنے کے لیے ایک طے شدہ ریلی سے قبل فوج کو الرٹ کیا گیا ۔

سنیچر کی صبح ہزاروں مظاہرین نے رکاوٹیں توڑ کر صدارتی محل کا گھیراؤ کیا.