ایشیا کپ یو اے ای منتقل نہیں ہو گا،بھارتی فیصلے پر رمیز راجہ کا جواب

Reading Time: < 1 minute

بھارتی کرکٹ بورڈ (بی سی سی آئی) کے ایشیاکپ 2023 میں پاکستان کا دورہ کرنے سے انکار پر چیئرمین پی سی بی رمیز راجہ نے سخت ردعمل دیا ہے۔

بدھ کو سماجی رابطے کی سائٹ ٹوئٹر پر چیئرمین پی سی بی رمیز راجہ کی ایک ویڈیو وائرل ہورہی ہے جس میں صحافی کے سوال پر انہوں نے کہا کہ ایشیا کپ یو اے ای منتقل نہیں کیا جائے گا، آپ ہمت تو پکڑیں، اتنے منفی کیوں ہیں، بھارت سب کچھ نہیں ہم بھی بہت کچھ ہیں۔

ایشیا کرکٹ کونسل اور بی سی سی آئی کے سیکریٹری جے شاہ کے بیان پر ترجمان پاکستان کرکٹ بورڈ نے کہا کہ انہوں نے بیان سوچے سمجھے بغیر دیا ہے، جس کے منفی اثرات مرتب ہوں گے۔