دنیا کی معیشت کو بگاڑنے کا ذمہ دار امریکہ:کولمبین صدر
Reading Time: < 1 minuteکولمبیاکے صدر گستاوو پیترو نے کہا ہے کہ تمام تر کرنسیوں کا ڈالر کے مقابلے میں زوال ہوا ہے،متحدہ امریکہ نے دنیا بھر کی معیشت کو بگاڑ کر رکھ دیا ہے۔
اطلاعات کے مطابق کولمبیا کی پاناما سے ملحقہ سرحدوں کو پار کرنے کی کوشش کرنے والے غیرقانونی تارکین وطن کا بھی ذکر کرتے ہوئے صدر پیترو نے کہا کہ ” گزشتہ برس ڈیڑھ لاکھ افراد اس سفر پر نکلے تھے۔ کولمبیا، ونیز ویلا اور جنوبی امریکی ممالک کے شہریوں نے کٹھن راستوں پر پیدل چلتے ہوئے درد برداشت کیا۔ نئے طرز کے غلام تاجر خواتین کو جنسی زیادتیوں کا نشانہ بنا رہے ہیں، ان کا قتل کر رہے ہیں، انسانوں کی تجارت کر رہے ہیں اور غریب انسانوں کے خوابوں کو چراتے ہوئے ان کا استحصال کر رہے ہیں۔
امریکی معیشت کے حجم کی طرف توجہ مبذول کراتے ہوئے پیترو نے اس طرف اشارہ دیا کہ یہ ملک لاطینی امریکی معیشتوں کو ” مکمل طور پر تباہ” کر سکتا ہے، تا ہم اگر یہ چاہے تو ان ممالک کی مدد بھی کر سکتا ہے، ان کا کہنا تھا کہ عالمی معاشی بحران اب قریب آتا جا رہا ہے۔
ان کا کہنا تھا کہ امریکہ پہنچنے والے غیر قانونی مہاجرین سے بد سلوکیاں کی جاتی ہیں، اب لاطینی امریکی ممالک کو عالمی بحران کے برخلاف یکجا ہوتے ہوئے اپنا ایجنڈہ وضع کرنا چاہیے۔
