چین کے ریستوران میں دھماکے سے 31 ہلاک، سات زخمی

چین کے ایک ریستوران میں دھماکے سے کم سے کم 31 افراد ہلاک ہو گئے ہیں۔

جمعرات کو چین کی سرکاری خبر ایجنسی ژنہوا نے رپورٹ کیا ہے کہ دھماکہ شمال مغربی شہر یِِن چوان کے ریستوران میں ہوا۔

حکام کے مطابق بدھ کی شام لیکوفائیڈ پیٹرولیم گیس (ایل پی جی) کا اخراج دھماکہ کی وجہ بنا۔

یہ ریستوران شہر کے ایک مصروف علاقے میں واقع ہے۔

یہ دھماکہ بار بی کیو کے ریستوران میں ہوا جس میں سات افراد زخمی بھی ہوئے۔