کراچی کی کلفٹن چائنہ پورٹ سے گولیوں سے چھلنی لڑکی اور لڑکے کی لاشیں برآمد
پاکستان کے ساحلی شہر کراچی کے علاقے کلفٹن چائنہ پورٹ کے قریب سے ملنے والی لاشوں کی شناخت ساجد مسیح اور ثناء آصف کے نام سے کی گئی ہے۔
پولیس حکام کے مطابق مقتولین کا تعلق پنجاب کے ضلع گوجرانولہ کے ایک ہی گاؤں سے تھا۔ لاشوں کے قریب سے نائن ایم ایم پستول کے دو خول ملے۔
ایس ایس پی ساؤتھ کے مطابق دونوں کو اس جگہ لاکر قتل کیا گیا، لاشیں چھ سے سات گھنٹے پرانی ہیں۔
ایس ایس پی نے بتایا کہ قتل کا مقام سڑک سے تقریبا ایک کلومیٹر اندر ہے، کار کے ذریعے وقوعے کی جگہ تک آنا ممکن نہیں، ممکن ہے کہ مقتولین کو موٹرسائیکل پر یا پیدل لایا گیا یا تعاقب کر کے مارا گیا۔
ایس ایس پی ساؤتھ کے مطابق واقعے کی مختلف زاویوں سے تحقیقات کر رہے ہیں۔
