سی پیک کی حفاظت ہمارے خرچے پر

وفاقی حکومت نے پاک چین تجارتی راہداری کے منصوبوں کی حفاظت کیلئے عوام کی جیب سے سالانہ بتیس کروڑ پچاس لاکھ نکالنے کی اجازت دی ہے۔ یہ پیسے عام لوگوں سے بجلی کے بل کے ذریعے وصول کیے جائیں گے۔ نیشنل الیکٹرک پاور ریگولیٹری اتھارٹی (نیپرا) نے بجلی بنانے والے کارخانوں کو یہ اجازت دی ہے کہ وہ بجلی کی قیمت وصولی کے ساتھ ایک فیصد اضافی بھی لیں۔ پاک چین تجارتی راہداری منصوبے کے تحت انیس بجلی کے کارخانے لگیں گے جن کا تخمینہ ساڑھے پندرہ ارب ڈالر لگایا گیا ہے اور سیکورٹی کی مد میں یہ اخراجات بیس سے تیس سال تک ہوں گے۔ حکم نامے میں نیپرا نے کہاہے کہ وفاقی حکومت کے فیصلے کے تحت بجلی بنانے والے کارخانے سیکورٹی کی مدمیں اضافی وصولی کریں۔ سی پیک منصوبے کی سیکورٹی کی تخمینہ وفاقی حکومت نے ساڑھے پندرہ ارب ڈالرز یعنی سترہ ارب روپے لگایا ہے۔