عوام کو دو ارب کا نقصان

کام سرکاری ادارے نہیں کر رہے اور نقصان عام آدمی کا ہو رہا ہے_ بجلی کی فراہمی کے لیے بنایا گیا ادارہ چالیس برس قبل بچھائی گئی تاروں سے کام چلا رہا ہے جس کا نتیجہ یہ نکلا ہے کہ ناقص ترسیلی نظام کی وجہ سے عوام کو 2 ارب 14 کروڑ روپے کا ٹیکہ لگ گیا، سرکاری رپورٹ کے مطابق گزشہ ماہ 33 کروڑ یونٹ بجلی لائن لاسز اور چوری کی نظر ہوگئی،
سینٹرل پاور پرچیزنگ ایجنسی کی جانب سے نیپرا میں جمع کرائے گئے اعداد وشمار کے مطابق اگست کے مہینے میں 12 ارب یونٹ سے زائد بجلی پیدا ہوئی، جس میں سے 33 کروڑ یونٹ بجلی لائن لاسز اور چوری کی نذر ہوگئی، بجلی کے ناقص ترسیلی نظام کے باعث ٹرانسمشن لائن لاسز میں اضافہ ہوچکا ہے، صرف ایک مہینے میں لائن لاسز کی مد میں عوام کو دو ارب 14 کروڑ روپے کا نقصان ہوا ہے کیونکہ لائن لاسز اور چوری کیے گئے یونٹس کی قیمت بھی عوام سے ہی وصول کی جاتی ہے_