نوازشریف کے وارنٹ جاری

اسلام آباد کی احتساب عدالت میں ریفرنسز کی سماعت کے دوران پیش نہ ہونے پر نواز شریف کے قابل ضمانت وارنٹ گرفتاری جاری کر دیئے گئے ہیں اور ان کو تین نومبر کو پیش ہونے کے لیے کہا گیا ہے _

جج محمد بشیر نے مقدمے کی سماعت کی، نواز شریف کے وکیل نے کلثوم نواز کی میڈیکل رپورٹ عدالت میں پیش کرتے ہوئے نواز شریف کی حاضری سے استثنی کی درخواست کی، اور کہا کہ سات روز تک حاضری سے استثنا دیا جائے، نیب نے مؤقف اختیار کیا کہ درخواست نمائندے کے زریعے داخل کی گئی، یہ غیر قانونی ہے، نیب پراسیکوٹر نے کہا کہ عدالت نے اس سے قبل بھی 15 دن کا استثنی دیا، 24 اکتوبر کو استثنی کی مدت ختم ہو گئی، عدالت کو بہت ہلکا لیا جا رہا ہے _
نیب پراسیکیوٹر کے ان ریمارکس پر جج محمد بشیر غصے آپ یہ نہ سمجھیں کہ آپ یا ان کے کہنے پر چلوں گا، میں قانون کے مطابق چلوں گا، جج نے کہا کہ صرف قانونی بات کریں، نیب وکیل نے کہا کہ ملزم کو مزید فائدہ نہیں دے سکتے، بار بار درخواست دائر کرتے ہیں، عدم حاضری سے نیب کونقصان ہوگا، جج نے کہا کہ حاضری سے استثنی کی درخواست دائر کر کے کوئی غیر قانونی کام نہیں کیا گیا، عدالت نے نیب پراسکیوٹر افضال قریشی کو جھاڑ پلا دی_

بعدازاں عدالت نے نواز شریف کے قابل ضمانت وارنٹ گرفتاری جاری کیے اور قرار دیا کہ تین نومبر کو ضمانتی مچلکوں کے ساتھ پیش نہ ہونے پر ناقابل ضمانت وارنٹ جاری کئے جائیں گے _