ایم ڈی پی ٹی وی پر نوٹس
سپریم کورٹ نے سرکاری ٹی وی کو بغیر منیجنگ ڈائریکٹر چلانے کا نوٹس لیا ہے _
چیف جسٹس نے ایم ڈی پی ٹی وی کی عدم تعیناتی کا نوٹس لیتے ہوئے وفاقی حکومت سے ساڑھے گیارہ بجے تک جواب طلب کر لیا ہے _ چیف جسٹس نے نوٹس پی ٹی وی ملازمین کے کیس کے دوران لیا، چیف جسٹس نے کہا کہ بتایا جائے ایم ڈی پی ٹی وی کیوں نہیں لگایا گیا، پی ٹی وی کا ایم ڈی کس نے تعینات کرنا ہوتا ہے، چیف جسٹس نے ہدایت کی کہ ایم ڈی کی تعیناتی کے طریقہ کار سے بھی آگاہ کریں _
درخواست گزار کے وکیل نے کہا کہ ایم ڈی کا عہدہ 26 فروری 2016 سے خالی ہے _
چیف جسٹس نے ایڈیشنل اٹارنی جنرل کو ہدایت کی حکومتی موقف سے آگاہ کریں _
