سیاست دان محترم ہیں، چیف جسٹس
Reading Time: < 1 minuteسپریم کورٹ کے چیف جسٹس ثاقب نثار نے کہا ہے کہ سیاست دان ہمارے لیے محترم ہیں، تمام سیاسی رہنماؤں کی عزت کرتے ہیں _
عدالت عظمی میں ایک یونین کونسل کے الیکشن کے مقدمے کی سماعت کے دوران چیف جسٹس نے ریمارکس دیئے کہ میڈیا ہماری آبزرویشن کو سیاق و سباق سے ہٹ کر شائع کر دیتا ہے جس کے بعد دوسری جانب سے بھی ردعمل آتا ہے _ کہا تھا کہ سیاسی رہنما محترم ہیں، ایک مفروضے پر مبنی سوال کیا تھا لیکن میڈیا نے اسے کیا سے کیا کر دیا، ہم اب کیا کہہ سکتے ہیں، یہاں انصاف کے لیے بیٹھے ہیں _
دوسری جانب کراچی میں عدل و انصاف فورم نامی تنظیم نے سڑکوں پر چیف جسٹس ثاقب نثار کی تصاویر والے بینرز آویزاں کر دیے ہیں جن پر لکھا گیا ہے کہ
‘کون بدلے گا نظام ___ ججز، پاک فوج، کراچی عوام’
اس کے علاوہ بینرز پر ‘سیاست نہیں انصاف’ اور ‘عوامی حقوق کی جنگ ثاقب نثار تیرے سنگ’ کے نعرے درج ہیں_
سوشل نیٹ ورکنگ ویب سائٹ پر صارفین نے ان بینرز کی تصاویر لگا کر مطالبہ کیا ہے کہ ایک ازخود نوٹس لے کر ان کے پیچھے موجود عناصر کو سامنے لایا جائے _
