اصغر خان کیس فیصلے پر اپیلیں مقرر

Reading Time: < 1 minute

سپریم کورٹ نے خفیہ ایجنسیوں کی سیاست میں مداخلت پر دیے گئے تاریخی اصغر خان کیس فیصلے کے خلاف دائر نظر ثانی اپیلیں سماعت کیلئے مقرر کر دی ہیں ۔ چیف جسٹس کی سربراہی میں تین رکنی بینچ پیر کو سماعت کرے گا ۔

عدالت عظمی نے چار سال قبل بیس برس پرانے کیس میں فیصلہ سنایا تھا اور وفاقی حکومت کو ذمہ داران کے خلاف کارروائی کیلئے کہا تھا ۔ سابق آرمی چیف اسلم بیگ اور سابق ڈی جی آئی ایس آئی اسد درانی نے فیصلے پر نظر ثانی درخواستیں دائر کر رکھی ہیں ۔ اسی کی دہائی میں حکومت بنانے کیلئے سیاستدانوں میں کروڑوں روپے کی تقسیم پر سابق ائر چیف اصغر خان نے سپریم کورٹ سے رجوع کیا تھا ۔

عدالت عظمی نے نظرثانی اپیلوں پر فریقوں کو نوٹس جاری کر دیے ہیں، چیف جسٹس کی سربراہی میں تین رکنی بینچ پیر کو سماعت کرے گا ۔