پارک پر ہسپتال نہیں بن سکتا

اسلام آباد ہائیکورٹ نے ارجنٹینا پارک کی زمین پر پولی کلینک ہسپتال کی توسیع کو غیرقانونی قرار دیا ہے۔

اسلام آباد ہائی کورٹ کے چیف جسٹس اطہر من اللہ نے محفوظ فیصلہ سنایا ہے جس کے مطابق ارجنٹینا پارک کا پولی کلینک کی توسیع کے لیے استعمال غیر قانونی ہے۔

اسلام آباد ہائیکورٹ نے وفاقی ترقیاتی ادارے کو ہدایت کی ہے کہ ارجنٹینا پارک کواصلی شکل میں بحال کرے۔

اسلام آباد ہائیکورٹ کے فیصلے میں کہا گیا ہے کہ پارک کی جگہ ہسپتال بنانا 1960 کے آرڈیننس اور 1997 کے ایکٹ کی خلاف ورزی ہے۔ اتھارٹی ایسے فیصلوں سے قبل ٹاون پلاننگ کو مدنظر رکھے۔

اسلام آباد ہائیکورٹ نے کہا ہے کہ ارجنٹینا پارک کو نہ ہسپتال نہ ہی کسی اور مقصد کے لیے استعمال میں لایا جا سکتا ہے۔ قوانین کے مطابق پارک کی زمین عوامی سہولت کے لیے مختص ہے۔