بار کونسل کا ججوں کے خلاف احتجاج کا اعلان

پاکستان بار کونسل کے وائس چیئرمین پاکستان بار کونسل سید امجد شاہ کو توہین عدالت کا نوٹس جاری کرنے پر وکیلوں نے 26 اگست کو ملک بھر میں مکمل عدالتی بائیکاٹ کا اعلان کیا ہے۔

پاکستان بار کونسل کی جانب سے جاری کیے گئے اعلامیے میں کہا گیا ہے کہ پاکستان بار کونسل 26 اگست کو ملک گیر عدالتی بائیکاٹ کا اعلان کرتی ہے ”عدالتی بائیکاٹ کا اعلان وائس چیئرمین پاکستان بار کونسل امجد شاہ کو توہین عدالت کا نوٹس جاری کرنے پر کیا گیا۔“

خیال رہے کہ ہائیکورٹ نے وائس چیئرمین پاکستان بار کونسل کو چیف جسٹس اور عدالت سے متعلق بیان جاری کرنے پر توہین عدالت کا نوٹس جاری کیا ہے۔

اعلامیے میں کہا گیا ہے کہ پاکستان بار کونسل نے وائس چیئرمین پاکستان بار کونسل امجد شاہ کے بیان کی بھر پور تائید کرتی ہے اور ملک بھر کے وکلا اس بیان پر عدالتی کاروائی کا سامنا کرنے کو تیار ہیں۔ وکلا 26 اگست کو بارز میں احتجاج بھی کریں گے۔