جج ویڈیو پر نواز شریف کا سپریم کورٹ سے رجوع
پاکستان کے سابق وزیراعظم نواز شریف نے اپنے خلاف فیصلہ دینے والے احتساب عدالت کے سابق جج ارشد ملک کے ویڈیو سکینڈل کیس میں سپریم کورٹ کے فیصلے پر نظرثانی درخواست دائر کی تیاری کے لیے مہلت طلب کی ہے۔
جج ویڈیو اسکینڈل پر دائر درخواستوں کا فیصلہ چیف جسٹس آصف سعید کھوسہ کے بنچ نے گذشتہ ماہ سنایا تھا۔
نوازشریف نے بذریعہ وکیل سپریم کورٹ سے رجوع کرتے ہوئے استدعا کی ہے کہ فیصلے پر نظرثانی درخواست دائر کرنے کیلئے مہلت دی جائے۔
فیصلے پر نظرثانی دائر کرنے کی معیاد ختم ہورہی ہے۔
فیصلے کے خلاف نظرثانی اپیلیں دائر کرنے کیلئے دو ہفتے کا وقت دینے کی استدعا کی گئی ہے اور ذرائع کے مطابق رجسٹرار آفس نے نوازشریف کو دو ہفتوں کی مہلت دے دی ہے۔
خیال رہے کہ نظرثانی درخواست دائر کرنے کی آج آخری تاریخ تھی۔
