کسی سے جنگ بندی نہیں کی، طالبان

Reading Time: < 1 minute

افغانستان میں طالبان عسکریت پسندوں نے کہا کاہے کہ انہوں نے امریکہ یا افغان فوج کے ساتھ کوئی جنگ بندی نہیں کی اور اس حوالے سے میڈیا پر نشر ہونے والی خبریں افواہ ہیں۔

طالبان کے دوحا دفتر کے ترجمان سہیل شاہین نے افغان میڈیا ادارے پجھواک کو ایک انٹرویو میں بتایا کہ میڈیا کو ایسی خبریں شائع کرنے سے گریز کرنا چاہیے۔

ان کا کہنا تھا کہ طالبان قیادت کی مشاورت کے بعد جنگ بندی کا حتمی فیصلہ کیا جائے گا۔ 

امریکی خبر رساں ادارے ایسوسی ایٹڈ پریس کی ایک رپورٹ نے طالبان ذرائع کا حوالہ دیتے ہوئے بتایا تھا کہ طالبان نے عارضی طور پر جنگ بندی کا اعلان کیا ہے۔ 

طالبان کے دوحا دفتر کے ترجمان سہیل شاہین نے گزشتہ ماہ ایک ویب سائٹ کو انٹرویو میں کہا تھا کہ ’امن معاہدے پر کام مکمل ہو چکا ہے جس پر صرف دستخط ہونا باقی ہیں۔ ہمارے ساتھ اگر مذاکرات کے لیے رابطہ کیا جائے گا تو ہم مثبت جواب دیں گے۔‘