پی ایس ایل: کامیاب کپتانی کا نیا ریکارڈ

Reading Time: < 1 minute

پاکستان سپر لیگ میں کوئٹہ گلیڈی ایٹرز کی ٹیم نے اسلام آباد یونائیٹڈ کو ہرا کر اپنے کپتان سرفراز احمد کو بہترین کپتانوں میں پہلی پوزیشن دلا دی ہے۔

جمعرات کو جب کوئٹہ کی ٹیم نے اسلام آباد کو ہرایا تو یہ سرفراز احمد کی بطور کپتان پی ایس ایل میچوں میں 29 ویں جیت تھی۔ ان کی کپتانی میں گلیڈی ایٹرز نے سال 2016 سے اب تک 47 میچز کھیلے جن میں سے 17 میں شکست ہوئی۔

سرفراز احمد کی کپتانی میں کامیابی کا تناسب 63 فیصد ہو گیا ہے جبکہ ان سے قبل شاہد آفریدی کی کامیابی کا تناسب 60 جبکہ مصباح الحق کا 58 فیصد کے لگ بھگ تھا۔

واضح رہے کہ سرفراز احمد کو قومی کرکٹ ٹیم کی کپتانی سے ہٹانے کے بعد ٹیم سے بھی نکالا جا چکا ہے۔